ថ្ងៃនេះហាក់ដូចថ្ងៃពណ៍ផ្កាឈូកនៃក្តីស្នេហារបស់គូរស្នេហ៏ថ្មីថ្មោង។  ហារិ ប្រញាប់ឡើងទៅតែងខ្លួន ចំនែកសេហូវិញ ត្រលប់ទៅផ្ទះប្តូរសំលៀកបំពាក់ និងទៅយកម៉ូតូពីក្រុមហ៊ុន ដើម្បីដឹកសង្សារ។ គេត្រលប់មកវីញជាមួយបាច់ផ្កាកូលាបផ្កាឈូក មួយបាច់អោយសង្សារ ។
ហារិភ្ងាក់ផ្អើរ ដែលសេហូដឹងពីផ្កាដែលនាងចូលចិត្ត? 
" តើថ្ងៃនេះជាថ្ងៃអ្វីបានជាបងទិញផ្កាអោយអូន? " នាងញញឹមទទួលយកផ្កាមកហឹត 

សេហូសើចរកនឹកពីហេតុផល " គ្រាន់តែចង់ទិញផ្កាអោយសង្សារសប្បាយចិត្តតើគួរមានហេតុផលច្រើនម្លះដែរឬ ? មកពីបងរវល់ មិនសូវមានពេលអោយអូន ធ្វើអោយអូនស្ត្រេសនៅកន្លែងការងាររហូត លំបាកអូនហើយ  " 

នាងក្រវីក្បាល យល់ពីសំពាធរបស់សេហូ 

"មិនលំបាកទេ ! ព្រោះបងជាមេអូន បងមានតួនាទីរបស់បង "

សេហូយកដៃអង្អែលក្បាលនាង 

" ល្អហើយដែល អូនយល់ ! ចប់ម៉ោងការងារ អូនជាមេរបស់បង !តើអូនចង់ទៅណា?"

"យើងទៅមើលកុន ហើយញុំាបាយ? ។  ចុះបងចូលចិត្តទៅកន្លែងបែបណា? "

" កន្លែងដែលមានអូន " ហារិអស់សំណើច មិននឹកស្មានថាសេហូក៏ចេះប្រើលែបខាយដូនព្រាននារីដែរ។ 

ទៅដល់ រោងកុន ហារិថត សំបុត្រកុន និង ពោត ដាក់ក្នុង IG ជាមួយ caption #1st movie together. នាងសម្លឹងមើលទៅសេហូ .... ព្រោះតែនាងចង់ថតរូបគេផងដែរមិនមែនតែ សំបុត្រកុន និង ពោតលីងនោះទេ។ 

"តើអូនកំពុងគិតអ្វី? "

"តើអូនអាចថតរូបជាមួយបងបានទេ កុំបារម្ភអូនមិនផសក្នុងបណ្តាញនោះទេ ?"

សេហូលើកទូរស័ព្ទ ថតរូប selfie។ កំលោះកំណាញ់សម្តីម្នាក់នេះ ថតជាមួយស្នាមញញឹមដ៏សង្ហារដែលកំរ នឹងមានអ្នកឃើញព្រោះគេមិនមែនជាមនុស្សរស់រាយ ដែលញញឹមដាក់មនុស្សគ្រប់គ្នា ។ ហារិមើលរូបថត ហើយយកដៃចាប់ចង្ការរបស់សេហូ។

"សង្ហារណាស់!" 

" អូនអាច ផសរូបនេះក្នុង IG រឺ ហ្វេសប៊ុករបស់អូនបាន  បើអូនចង់ " 

" សុំមើល IG របស់បងបានទេ ? " សេហូហុចទូរសព្ទ័

នាងមើល  IG មិនសូវជាមានរូបមនុស្សនោះទេ ភាគច្រើនសុទ្ធតែរូបជាក្រុម រូបស្ថាបត្យកម្មបែបអគារ ឬ រូបទេសភាពផ្សេងៗ ។ តែមានរូបមួយគឺរូបគេមួយដែលគេថត selfie នៅលើរទះភ្លើង ហើយថតជាប់នារីម្នាក់។ 

"ចៃដន្យម្លះ បងដឹងទេថាបងថតជាប់អូន កាលនោះអូនរៀននៅថៃ "

គេសើចដែលនាងចាប់អារម្មណ៏សូម្បី តែរូបbackgroundជាមនុស្សស្រី ។

" នេះជា Crush របស់បង តែពេលនោះនាងមានសង្សារទៅហើយ " 

ហារិបើកភ្នែកធំៗ បងស្គាល់អូនយូរ ។

សេហូ បើករូបថតនាងប៉ុន្មានសន្លឹក ក្នុងទូរសព្ទរបស់គេអោយនាងមើល ។

" តែជានិស្សយ័ពិតមែនដែលអោយបងជួបអូននៅខ្មែរម្តងទៀត ម្តងនេះនាងមិនសង្សារនោះទេ" 

" ចឹងបងលួចស្រឡាញ់អូនយូរហើយ ?" 

គេងក់ក្បាល ។ នាងយក ក្តិចគេ

"Crush បង គឺនាងតែជិះជើងរត់ភ្លើងម៉ោង ៤ល្ងាចចេញពីរៀន ហើយតែងងើបអោយមនុស្សចាស់អង្គុយជានិច្ច ហើយនាងចូលចិត្តទៅដាក់ចំនីឆ្កែនៅក្បែរមហាវិទ្យាល័យណាស់ ។តែនាងមិនដឹងទេថា ម្ចាស់ឆ្កែនោះលួចមើលនាងរាល់ថ្ងៃ។ ថ្ងៃមួយនាង វីដេអូ call ជាមួយសង្សារនាង ។ ពេលនេះបងក៏ដឹងនាងមានសង្សារហើយ មិនចង់ទៅរំខាននាងទេ ។ មិនចង់ទៅញ៉ែសង្សារគេនោះទេ។ "

" បងពូកែសម្តែងណាស់ "

" បងមិនដែលសម្តែងនោះទេ ។ អោយទូរសព្ទមកវិញមក "

គេយករូបថតដែលថតអំបាញ់មិញ ផសចូលក្នុង IG ។ ដែលដាក់ caption រូបបេះដូង ។ 

អ្វីដែលសេហូ មិនដែលនិយាយនោះគឺ គេបានជួបនាងពេលនាងរៀននៅថៃ។ ពេលនោះនាងអង្គុយ ទល់មុខគេក្នុងរទះភ្លើង នាងបានងើបឈរអោយមនុស្សចាស់អង្គុយ។ រូបរាងស្អាតថែមទាំងចិត្តល្អ បានធ្វើរអោយចិត្តរបស់សេហូមិនធ្លាប់បំភ្លេចនាងនោះទេ គេថែមទាំងមានចេតនា selfie អោយជាប់រូបនាងនៅពីក្រោយ។  រហូតគេបានជួបនាងជាថ្មីនៅការ៉ាស់សាំង និងជាអ្នកជ្រើសរើស CV នាងចូលក្រុមប៊ីដើម្បីចង់នៅក្បែរនាង ទោះពេលខ្លះដឹងថាហារិនៅ នឹកសាម៉ូ តែគេស្មគ្រ័ចិត្តកំដរនាងបំភ្លេចគេយ៉ាងស្ងៀមស្ងាត់។ 

" តោះចូលមើលកុន " 

នៅពេលកំពុងមើលកុន មិត្តភក្តិរបស់ហារិនៅអាមេរិចដែលទើបមកវិញ បាន ផ្ញើរសារ អញ្ចើញនាងញាំអាហារលាចជួបជុំមិត្តភក្តិ ។

" មិត្តភក្តិអូនទើបមកពីអាមេរិច ហៅញាំបានល្ងាច "

"អូនចង់ទៅទេ ? "

"អូនមិនចង់ទៅទេ ព្រោះប្រហែលជាសូណា និង សាម៉ូក៏ទៅដែរ ។ "

" ហេតុអ្វី អូនខ្លាចពួកគេ ? " 

" ព្រោះនាងតែងតែចង់ឈ្នះអូន ហើយសាម៉ូ តែងតែរញ៉េរញ៉ៃនឹងអូន ។ ពេលនេះអូនមានបងហើយ អូនមិនចង់អោយបងអន់ចិត្តនឹងអូនទេ "។ គេកាន់ដៃនាង 

"បងទៅជាមួយអូន ! " សេហូចង់អោយហារិ រឹងមាំ មិនត្រូវតែឈឺចាប់ក្នុងអតីតកាល បែបនេះនោះទេ។

នាងសម្លឹងមុខគេ 

"អូខេ !"