សុថា ៖ " នែ អា Angry Bird ថ្ងៃណាក៏ឃើញឯងលេង ហ្គេម និង ញ៉ែស្រីៗក្នុងហេ្វសប៊ុកដែរ។ បើអញជា ចៅហ្វាយ នឹងដេញក្បាលឯងចេញមិនខាន។ "

Angry Bird ជាឈ្មោះក្នុងគណនេយ្យហ្វេសប៊ុក របស់ដេវីត ។ កំលោះសង្ហារ មាឌខ្ពស់ សក់ក្រញាញ់ពាក់វែនតាក្រាស់ អាយុ២៦ឆ្នាំ ចូលចិត្តដើររាយមន្តស្នេហ៏ តែមិនដែលមានសង្សារប្រាកដណាម្នាក់។ គេ ជាអ្នកជាងថតរូបថត នៅពេលដែលចុះយកពត៏មានផ្សេងៗ​ ។  ចំនែកសុថា មាឌធាត់ សម្បុរស្រអែម អាយុប្រមាណ ៤០ប្លាយ​ ជាអ្នកសរសេរអត្ថបទ ​​​​​​ ពត៍មាន។ ពួកគេជាដៃគូរការងារ ដែលមិន​​ចេះត្រូវគ្នា តែធ្វើការបានល្អជានិច្ច។ ដេវិតឆ្លើយ៖

" មកពីបងមិនមែនជា ចៅហ្វាយខ្ញុំហ្នឹងណា ទើបខ្ញុំហ៊ានលេង បែប នេះ។ "

" គង់តែមានថ្ងៃណាមួយឯងនឹងស្រឡាញ់ស្រីក្នុងអនឡេញទេ.។ "

" ខ្ញុំមិនស្រឡាញ់ទេ ។ ខ្ញុំចេះបោកគេ គេក៏ចេះបោកខ្ញុំដែរ ។ យើងគ្រាន់តែកំដរគ្នាលេងពេលអផ្សុកប៉ុននោះ។​ "

" អើ ! ប្រយត្ន័ជួបអ្នកគីឡូធ្ងន់ជាងបោកអស់បេះដូង។ក្មេងឥលូវមិនស្តាប់ចាស់ទេ ។ គាត់និយាយតិច តែឯង បើអញធ្លាប់ទាំងញ៉ែ ចំខ្ទើយ ផងប្រាប់មិនជឿទេ។ "

ដេវីតកំពុងមើលរូបថតប្រូ​វើលរបស់នារីម្នាក់ឡើងភ្លឹក នាងមានមុខមាត់មើលទៅសុភាពរាបសារ​ គួរអោយស្រឡាញ់ សក់វែង មុខអក្សរវី  បបូលមាត់ស្តើង មាឌតូច​។ មែនហើយនាងមុខដូច គឺដូច លីហ្សា  តារាចម្រៀងល្បីរបស់កូរ៉េ។

"យើងមិនស្គាល់ ប្លេកភីង ឬ ប្លេកវ៉ាយ អីនោះទេ។ យើងដឹងតែថាឯងត្រូវកែររូបនេះអោយចប់ដើម្បីចេញផ្សាយស្អែក។"

"អូខេ អូខេ បងប្រុសជាទីស្នេហា ! "

នៅពាក់កណ្តាលអាធ្រាតម៉ោងមួយយប់

ទីងៗ....

បក្សីខឹង៖ សួស្តី!

មនុស្សស្ងៀតស្ងាត់៖ ចា! សួស្តី !

"​ តើអ្នកសុខសប្បាយជាតិទេ? "

" ទេ...ខ្ញុំផ្តាសាយហើយ។ ចុះលោកវិញ?​ "

" បាទ! ខ្ញុំសុខធម្មតាទេ "

" ពេលនេះម៉ោងមួយហើយ ចុះអ្នកកំពុងធ្វើអ្វី ? មិនគេងទេ? "

" បាទ! ខ្ញុំកំពុងព្យាយាម បញ្ចប់ការងាររបស់ខ្ញុំ។ ចុះនាងវិញ?​"

" ខ្ញុំផ្តាសាយ ពិបាកដកដង្ហើម គេងមិនលក់ទេ។ "

" បាទ! អញ្ចឹង ខ្ញុំកំដរនាង! "

" លោកកំដរខ្ញុំ ឬ បញ្ចប់ការងារលោក? "

"  ហាស​ ហាស បាទ!​ ទាំងពីរទើបល្អ! តើនាងមិនសួរឈ្មោះខ្ញុំទេឬ? "

" ឈោ្មះរបស់លោក!!! "

" បាទ! ឈ្មោះរបស់ខ្ញុំគឺ ដេវីត! ចុះនាង?"

" ដាលីង "

" ដាលីង! ពិរោះដល់ហើយ!! ចុះនាងធ្វើការអ្វីដែរ?"

" ខ្ញុំធ្វើការក្នុងហាងកាហ្វេរ។​ "

"  ជា អ្នកប្រមាញ់រូបថតដ៏សង្ហារ "

បីខែកន្លងពួកគេបានក្លាយជាមិត្តភក្តិហ្នឹងគ្នា ។ ពួកគេហាក់ដូចជាមានរឿង ជជែកមិនចេះចប់សោះ ចែករំលែកពីការរស់នៅប្រចាំថ្ងៃគ្នាទៅវិញទៅមក ។