2. oh my ghost
oh my ghost
វគ្គទី២ ៖ ដេឡា បេឡា
រាហូ រៀបចំវ៉ាលីរើសសំលៀកបំពាក់ចេញ និង បោសសំអាតបន្ទប់ ។ គេបង្អួចដើម្បីអោយមានខ្យល់ចេញចូល ប៉ុន្តែខ្យល់បិទមកវិញ ផាំងៗ ។
វិញ្ញាណ ខ្មោចស្រីស្អាតមុខដូចកូនកាត់ ច្រមុះស្រួច សក់វែងរួញភ្លីធំ ក្នុងឈុតរ៉ូបក្រហមដៃតូច ស្បែកជេីងកែងខ្មៅខ្ពស់ បង្ហាញខ្លួនអង្គុយលើបង្កាន់ដៃជាន់ឡៅតឿ មើលមកក្រោម
" អីយ៉ាស់មានមាន់ថ្មី ! មាន់ថ្មីនេះសង្ហាម្លះ! តែប៉ុណ្ណឹង ខ្ញុំលែងអផ្សុកទៀតហើយ " នាងសើច!
ដេឡា បេឡា ជាម៉ូដែល ( អ្នកបង្ហាញម៉ូត ) អាយុ ២៣ឆ្នាំ នាងជាអតីតម្ចាស់ជ័យលាភីម្កុដលេខេ ១ ក្នងកម្មវិធី " កញ្ញាឯក អាស៊ាន" ។ កេរ្តិ៍ ឈ្មោះរបស់នាងបានចាប់ផ្តើមល្បីយ៉ាងឆាប់រហ័ស រហូតបានរហ័សនាម " ព្រះនាងB.A " ជាម៉ូដែល ដែលមានឥទ្ធិពលបំផុតក្នុងវិសយ័ផ្សព្វផ្សាយផលិតផល ។ ល្បីឈ្មោះមិនបានប៉ុន្មានឆ្នាំ បេឡាបានស្លាប់ក្នុងបន្ទប់ Apartment ដោយបញ្ចប់រឿងក្តីថា សម្លាប់ខ្លួនដោយ ជំងឺបាក់ទឹកចិត្ត ។ ក្នុងថ្ងៃនោះអ្នកសំអាតមកទាន់ពេលវេលា បានបញ្ចូននាងទៅមន្ទីពេទ្យ ប៉ុន្តែ នាងមានជីវិតដូចជាមនុស្សស្លាប់គឺ រស់ក្នុងសភាពជាមនុស្សរុក្ខជាតិមានដង្ហើមដោយសារជំនួយពីអុកស៊ីសែន ។ វិញ្ញាណរបស់នាងបានចេញពីខ្លួនទៅហើយ បែជានៅវិលៗក្នុងបន្ទប់Apartment របស់នាង។
ក្រោយពីសំអាតបន្ទប់អស់កំលាំង រាហូ បានចូលទៅងូតទឹក ។ គេកំពុងតែងូតទឹក ស្រាប់តែ ភ្លើង លោត ផ្លើតផ្លាត ម្តងឆេះម្តងអត់ ។
" មើលទៅត្រូវដូរភ្លើងចេញហើយ " នាយយកកន្សែងរុំចេញទៅក្រៅ
សុខៗស្រាប់តែកន្សែងរបូត .......
នេះហើយជាថ្វីដៃស្វាគមន៏ អ្នករួមបន្ទប់ថ្មីរបស់ បេឡា ។
តែកំលោះយើងដៃរហស័ណាស់ គេទប់កន្សែងទាន់ ធ្វើអោយបេឡាខកចិត្ត លេងមិនសប្បាយសោះ។
រាហូផ្លាស់ប្តូរសំលៀកបំពាក់រួចក៏សំរាកលេង តែលង់លក់មែនតែន។
បេឡាទៅគេងក្បែរ រាហូ សម្លឹងមើលមុខរបស់គេ យកដៃអង្អែរមុខគេ ។
" នេះសង្ហារពិតមែន មុខឡើងម៉ត់ សាច់ដុំកង់ៗ ទៀត "
" អាណិត អោយលោកសំរាកបន្តិចចុះ " នាងនិយាយតែឯង។
ស្អែកព្រឹករាហូចេញទិញសំភារះបន្ថែមមានដូចជា ខ្នើយ កំរាលពូក កំរាលជូតជើង អំពូលភ្លើង និង ម្ហូបអាហារ ដើម្បីទុកប្រើប្រាស់ក្នុងបន្ទប់ថ្មី ។ បេឡាពត់ដៃទៅក្រោយ ដូចមើលអ្នកបំរើបោសសំអាត យ៉ាងពេញចិត្ត
" ម្នាក់នេះគ្រាន់បើជាងគេ ក្នុងចំនោមមនុស្ស១០នាក់ផ្សេងទៀត ។ ល្អយើងអាចនៅជាមួយគ្នាបាន" ។
រាហូររៀបជណ្តើរដាក់អំពូលភ្លើងទាំងអស់ក្នុងបន្ទប់ Apartment ព្រោះតែលោតម្តងឆេះម្តងអត់ ។
នេះជារឿង ចៃដន្យ មិនមែនជាការលងបន្លាចរបស់បេឡានោះទេ ជណ្តើរបានរអិលនឹងក្រណាត់ជូត ជើង ធ្វើអោយ រាហូធ្លាក់ចុះ។ ពេលនោះបេឡានៅក្បែរ នាងក៏ប្រើកំលាំងអមនុស្សរបស់នាង រុញតុ មិនអោយរាហូធ្លាក់ត្រូវ ហើយ រុញជណ្តើរ ចេញទៅម្ខាងមិនអោយត្រូវគេ។
រាហូធ្លាក់មកដល់ដីដោយមានរបួសបន្តិចបន្តួច ប៉ុន្តែហេតុការណ៍ តុ និង ជណ្តើរ មានចលនា បានធ្វើអោយគេបះរោម បេះដូងលោតដុកដាក់ហើយ ។ គេសម្រួលឥរិយាបថ យកថ្នាំមកឈ្លីដៃជើង និង សមាធិដោយប្រើបញ្ហា ហេតុផល ពីរឿងដែលកើតឡើង ។ ទោះជាគេមនុស្សប្រុសមានស្មារតីរឹងមាំតែក៏នៅចាញ់ច្រាប នឹង រឿងដែលមិន អាចមើលឃើញ។ ទីបំផុតទ័រគំនិតគេក៏លើកដៃសំពះ រួចនិយាយ
" អរគុណ ម្ចាស់ជំនាងផ្ទះដែលថែរក្សាបន្ទប់នេះ មើលថែកូនចៅ " ។
បេឡាសើចខ្លាំងអស់សំណើច " គេនេះគួរអោយស្រឡាញ់អីយ៉ាងនេះ ចេះដឹងគុណ! ល្អកូនចៅ!! " !
.JPG)
0 Reviews